قصيدة (بالمباشر على الهواء ... بوش طقوه بحذاء)

با المباشر على الهواء ...... بوش طقوه بحذاء

عاشت أيدك يا بطل
وتسلم لهذا الفعل
صدك حيرانة الجمل
شلون اصوغلك نداء

بالمباشر على القناة
بوش اجنه القندرات
حيل يا طاغي الطغاة
يا عدو رب السماء

طاغي يستاهل مزيد
قندره كلي شتريد
للأسف يمكن جديد
نطالبه بسعر الشراء

للأسف لا مو قديم
وما خجل هذا الزنيم
تضحك أرجال وحريم
وحزن عم العملاء

وهل الدرس كلش مفيد
نهتف نردد نشيد
إحنا لا لا مو عبيد
و نصبر بيوم البلاء

أقف لسمك باحترام
لمنتظر وبعث سلام
وكذب كل ذاك الكلام
أحنا الهم أصدقاء

عاشت أيدك منتظر
من سكت بوش القذر
راح أعلكلك صور
بعض من جزء الوفاء

عاشت أيدك يا شهم
من سكت رأس الظلم
بس أنشدك على الحجم
عشره ما صدك هراء