ملگۃ روحے
عضوة مميزة
مزاجيے : 
هوايتيے : 
 | موضوع: بمناسبة حلول شهر محرم الحرام  الجمعة يناير 09, 2009 6:51 am | |
| السلام عليكم ملا حظه\ألكتابه بين قوسين هي فصحى
هذه القصيدة بمناسبة حلول شهر محرم الحرام كتبتها منذ يومين
وهي عند دخول ألسيده زينب إلى كربلاء فقالت............
(ها هنا تسبى النساء ) ................ ( ها هنا تجري الدماء )
كربله بيهه دخلنه ودخلت اويانه المصيبه
ادخلنه طف الغاظريه وكلبي يتساعر لهيبه
هالارض وحشه علينه مكدره وظلمه ورهيبه
(وتسمى كربلاء)...........(ها هنا تسبى النساء)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,
كربله لمن دخلنه عيني مابطل دمعهه
انه زينب والمصايب كلبي حس بيهه وسمعهه
من الزغر جتني وغزتني وصدري ضماهه وحملهه
(وتحملت البلاء ) ...........(ها هنا تجري الدماء)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,
هنانه تتسابك دموعي عالشباب الطاح الاكبر
وجسمه يسبح من وريده وراسه بالسيف يتطبر
الطمت راسي بديه وصرخت الله اكبر
( ولقد جاء النداء )...........( ها هنا تجري الدماء )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,
وراح انوح بصوت عالي وانعه يوليدي يجاسم
ما اصدك انه اشوفك عمه عالتربان نايم
كون عريس واشوفك وريت اشوفك دوم سالم
( قد تحملت البلاء ) ............( ها هنا تجري الدماء )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,
خل اعاين للشريعه اليمهه يتكنطر كمرنه
ياشريعه بحالي ارحمي ولاتراوي المايسرنه
انه راح انطيك اخيي هذا ابو فاظل ضخرنه
( وهو رمزً للفداء )..........(ها هنا تجري الدماء )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,
والمصاب الما احمله نبله الطفل الرضيع
يفسر كليبي ويشلني من اشوفنه صريع
مدمه بيد حسين اشوفه سابح بسيل النجيع
( ذنبُه يرويه ماء ) .........( ها هنا تجري الدماء )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,
هذا حالي ويه اخوتي صعبه لو عني مشو
حرمه وبلايه محامي واخوتي عني بعدو
شنهو شعمل من بعدهم لو بالمصاب ابتلو
( سلبو منا الخباء ).........( ها هنا تجري الدماء )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,
اهنانه يتكاثر مصابي وانسبي من الغاظريه
واخوتي واهلي وبنيني صرعه تبقه عله الوطيه
اهنانه راس اهناكه جثه هنا نساء بلا حميه
( وهنا تبكي السماء ) ...........( ها هنا تجري الدماء )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,
كربله منك نغادر بس حرم نبقه وعليل
ولو سمه ناعي المصيبه من مصيبتنه يشيل
حرم والاطفال تبكي والحرم مدمعهه سيل
(وهنا يعلو البكاء )..........( ها هنا تجري الدماء )
.................................................. .............
.................................................. ............. | |
|
