عضوة جديدة مزاجيے : هوايتيے :

هــــــاآآآآآيــ ..

أنا اليــوم جايبه لكوووم قصيدهــ روعهــ جداً

وأتمنى الكل راح تعجبهــ ..

منفي من الموضه وادور كل ماشوفه جديد
عكس الرواهـ وكل ماقالوهـ اشباهـ الرواهـ
قصيدتي هذي نتاج الهم واحزان القصيد
تبكي من اجرام الادب والشعر طايح مستواهـ
انا الغريب اللي قعدت هناك في الركن البعيد
مثل العمى اللي علق اماله على مسكة عصاهـ
اذا الشتا حول حياتي كلها برد وجليد
زقارة الاحزان مزتها ترجعني مياهـ
متثبتٍ مثل الجبل متقويٍ مثل الحديد
متوكلٍ بالله على درب الكرامه والغناهـ
متناثرٍ مثل الهوى واخذ من انفاسي واعيد
اتبع هوى نفسي وكل انسان يمشي في هواهـ
اصحابي لا صاروا مع العدوان خلوني وحيد
ماعاد يغريني عن الدنيا مكان ولا اتجاهـ
اصحابي العدوان شوفوا الدمع يتناثر شهيد
ادفن من دموعي امم واطلب من الله النجاهـ
اطيب وادور رضاهم .. مالقيت الا الجحيد
احاول ابعد عن مماشيهم وصاروا لي حصاهـ
اكبر العقل ولقيت اني افيد ولا استفيد
انسان ينزل لـ التواضع من سماهـ الى سماهـ
مشاعرٍ صارت لهب وتقول ياهل من مزيد
وانا اضيق ومايوسع خاطري الا الصلاهـ
ياليتني ماني انا وياليت ماعندي رصيد
دنياي هذي كلها دنيا المظاهر بالحياهـ
مدامها ياصاحبي تجار سادات وعبيد
اكبر غني بالمجتمع ياطا على باقي الرعاهـ
النقص يمشي بـ الآبن آدم كل ماشفته يزيد
كم واحدٍ جا بهالدنيا كذا على عماهـ
لا شفتهم صاروا كذا برحل من الحزن الاكيد
اسابق نجوم السما اصيح انادي لي فتاهـ
راحت علي اغلى نساء الارض يالحظ العنيد
مكانها صعب المنال ودايمٍ تمشي معاهـ
اطول من اطراف النخيل الشامخات ام الجريد
قلبي لها مثل الوطن كأنها تربى في حشاهـ
ماتشرب الا الزعفران وتاكل الطلع النضيد
ماتمشي الا من على السندس ولا تلبس سواهـ
ماتشبه الا كبرياء الخيل في اليوم الشديد
فيها من اطباع الاصايل خجلةٍ مثل المهاهـ
كأن الشوارع تستحي من مشيها ولا تحيد
والورد من تحت القدم ولهان يعطيها شذاهـ
ماكنها وسط الجهل الا كما الراي السديد
حبيبتي من كوكب الحلوين ماهي من وراهـ
ابنتظر في كل درب وابنتظر ساعي البريد
وبترك امالي على المينا وبتحرى عطاهـ
وبنتظر وبنتظر الفال والحظ السعيد
ياكسر حال اللي يجر الصوت مايسمع صداهـ
شفني تنرفزت وكتبت آخر نتاجك يالقصيد
قصيدةٍ تسوى جبال طويق وجبال السراهـ

رووعة

يعطيك العافية

تقبلي خالص تحياتي

{{ .. منفي من الموضهــ .. }}