الدرس الثاني : طريقة تغيير حجم الصوره } ..

السلام عليكم ورحمة الله وبركاته

كيفكم يا احلا طلاااااب ؟؟

ما شاء الله تطبيقاتكم كانت حلوه في الدرس الأول

وان شاء الله الدرس دا كمان يكون سهل عليكم ويفيدكم

درس اليوم راح يكون عن: طريقة تغيير حجم الصوره بالفوتوشوب



راح اشرحلكم طريقتين وراح اوضح الفرق بينهم وفايدة كل طريقه

///

الطريقه الأولى

تنفع للصور اللي حجمها كبير ونبغى نصغرها لاي حجم تاني

الخطوات

1- ندرج صوره للبرنامج زي ما اتعلمنا في الدرس الأول

اني اخترت هذي الصورة :




2- نروح قائمة Image ونختار Image Size








راح يفتح معانا مربع فيه حجم الصوره الاصليه قبل لا نغير حجمها

شوفوا حجم صورتي 450 * 323



انا ابغى اغير حجم الصوره بحيث اني اخلي عرض الصوره 400

بمجرد ما اكتب في خانه العرض 400 راح يتغير الطول لوحده باللي يناسب الصوره



بعد كده نضغط Ok وراح يتغير حجم الصوره وتطلع بالشكل دا:



بكده انتهينا من الطريقه الأولى ونقدر نحفظها
طريقة الحقفظ الي اتعلمتوها في الدرس الاول

///

نجي دحين لـ الطريقه التانيه

الطريقه دي تفيدنا في حالة نبغى نغير حجم الصوره ونخليه بمقاسات معينه ..
يعني مثلا في مسابقة التصميم لمن يطلبوا مننا حجم ومقاسات محدده نستخدم الطريقه دي لتغيير حجم الصوره

:الخطوات

1- نفتح الصوره اللي نبغاها .. انا راح اكمل على الصوره اللي صغرتها بالطريقه الأولى ..



2- من قائمة File نختار New







راح يفتح معانا مربع خيارات .. نختار منه الحجم اللي نبغاه للصوره

انا حبيت اسوي حجم الصوره 250 * 250



بعد ما نختار الحجم ونوع الخلفيه نضغط OK

وراح تطلع مساحة العمل بالشكل دا:



3- وبكده راح يكون عندنا مساحتين عمل في الصفحه الرئيسيه .

. الاولى عباره عن الصوره اللي اخترناها

و التانيه عباره عن المساحه الجديده



4- نختار أداة التحريك ونسحب الصوره لمساحة العمل الفاضيه زي ما سوينا في الدرس الأول
تلقوا اداة التحريك في الشريط العمودي من جهة اليسـآر

5- بعد ما سحبنا الصوره نضغط من الكيبورد على CTRL + T

راح تلاحظوا انه الصوره طلعت لها حدود خارج مساحة العمل .. شوفوا الصوره



كل اللي عليكم تسحبوا اطراف الحدود لللداخل وراح تلاقوا انه الصوره سارت بحجم الخلفيه



6- بعد ما زبطنا الصوره لازم نشيل الحدود اللي طالعه



بكل بساطه تروحوا لاي مكان في وسط الصوره وتضطوا بزر الماوس مرتين ورا بعض وراح تلاحظوا انه الحدود اختفت



7- الخطوه الاخيره عباره عن حفظ الصوره زي ما علمتكم في درسها الاول



بعدها تفتح معكم نافذة خيارات





وبسسسسسس خلاص

///

الواجب:

1- تختاروا صوره من جهازكم وتوروني إياها بحجمها الأصلي

2- تصغروا الصوره بالطريقه الأولى بحيث يكون عرضها 400

3- تصغروا الصوره بالطريقه التانيه وابغى حجمها 250 * 250

4- كل الصور لازم يكون عليها اسمكم

///

يلاااا ابغاكم ترفعوا راسي وتفرحوا قلبي بتطبيقاتكم الحلوه

ولا تترددوا في اي سؤال .. وبالتوفيييييييق